یارب تو هما ذاتے که بی مثل و قدیمے | محمد روانبد

یارب تو هما ذاتے که بی مثل و قدیمے
ما بنده خطا کاریں تو رحمان و رحیمے
📿📿📿📿
درداں ماں نترسان که تو دردانی طبیبے
دشمن منا چے کاں تو اگر دوست و حبیبے
📿📿📿📿
کهے رزقے غما کاں که تو رزاق و کریمے
ما بنده خطا کاریں تو رحمان و رحیمے
📿📿📿📿
بلی کے گناه بازاں امیت واراں دنیگا
یک روچیں په رحمت تو گرے حالا منیگا
📿📿📿📿
دلمانگا تهی جنتے فردوسے نعیمے
ما بنده خطا کاری تو رحمان و رحیمے
📿📿📿📿
ما رست و مزن بیتیں گوں تهی فضل و عطایاں
یا رب تو قبول کاں هیں گنهکارے دعایا
📿📿📿📿
چمداراں ماں تهی رحمت و احسانے نسیمے
ما بنده خطا کاریں تو رحمان و رحیمے
📿📿📿📿
نیستین منا طاقت ای خدا ناره جحیمے
ما بنده خطا کاریں تو رحمان و رحیمے
📿📿📿📿
حالت منی دنیاهے غما مرچاں کوتگ بد
رحم کاں که تو بی واب و پریشانیں محمد
📿📿📿📿
یارب تو حلیمے تو حکیمے تو کریمے
ما بنده خطا کاری تو رحمان و رحیمے
📿📿📿📿
📝 شاعر : محمد روانبد